Radiomi aallakaatitassiat, KNR

Radiomi aallakaatitassiat maana malinnaavigineqarlutillu tusarnaarneqarsinnaapput

Nipilersoqatigiit Judas ilisaritippavut 09/22/2025

Nipilersoqatigiit Judas ilisaritippavut Nipilersoqatigiit sakkortunerusumik nipilersoriaaseqartut Siissisoq taamaatinnerisa kingorna Karl Enok Mathiassenip aamma Jens Samuelsenip nipilersoqatigiit Judas pilersippaat, ukiullu sisamat ingerlaneranni immiussereerlutik erinnanik 16-inik imaqartumik saqqummersitsipput atsikkaminnik Supajussuaq. Karl Enok Jensilu oqaloqatigaavut saqqummersitaallu tusarfigillattaarlugu. Aallakaatitassiortoq: Arqaluk Brandt Johansen /episode/index/show/0ea68f07-0cbb-4d75-b923-dbc186d5055e/id/38303945

Nipilersukkat kinaassuserlu 09/22/2025

Nipilersukkat kinaassuserlu Nipilersukkat nuannarisagut kinaassutsitsinnut ilisarnaataalluartuusinnaapput. Nipilersukkat erinnat tallimat atorlugit Andreas Poulsen ilisarinerulaarumallugu appillattaaqatigaarput, tusakkavullu sammilaartarlugit. Aallakaatitamik suliarinnittoq Arqaluk Brandt Johansen. /episode/index/show/0ea68f07-0cbb-4d75-b923-dbc186d5055e/id/38303900

Tiliup oqallitsitsinera 09/22/2025

Tiliup oqallitsitsinera Tiliup ataatsimeersuartitsinerminut atatillugu innarluutillit atugaat pillugit politikerit oqaaseqartartullu oqallitsippai. Septemberip ulluisa 16-anni Katuami immiussaq. /episode/index/show/0ea68f07-0cbb-4d75-b923-dbc186d5055e/id/38303755

Atuartuuinnassaguma oktoberimi aatsaat atualertalissaanga 09/19/2025

Atuartuuinnassaguma oktoberimi aatsaat atualertalissaanga Avataasiortuusimasoq Karl Peter Lange, Kâpe Qasigiannguarmiu oqaluasaartipparput. 2023-mi immiussaq, aaqqissuisuuvoq Jørgen M. Benjaminsen /episode/index/show/0ea68f07-0cbb-4d75-b923-dbc186d5055e/id/38282805

Itsuartorfik Pinngortitaleriffik sunimmita suliaqaleruttorpa? 09/19/2025

Itsuartorfik Pinngortitaleriffik sunimmita suliaqaleruttorpa? Ilaatigut tamakkua akissutissarsiffigissalutigik, suliaat killiffiallu pillugit alakkerteriffigaarput. Oqaloqatigaarput attaveqatigiinnermi pisortaq Else Løvstrøm Aallakaatitassiortoq Jørgen M. Benjaminsen /episode/index/show/0ea68f07-0cbb-4d75-b923-dbc186d5055e/id/38281660

Utoqqaat pillugit oqaaseqartartoqarfimmiit pulaarteqarpugut. 09/19/2025

Utoqqaat pillugit oqaaseqartartoqarfimmiit pulaarteqarpugut. Utoqqaat pillugit oqaaseqartartoq Kiista P. Isaksen, ukiuni marlunngulersuni atorfeqareernermini kommuunit angallavigalugit tamakkerluinnarpai. Takusai, tusartagai saaffiginnissutaasartorpassuillu sammilaassavagut, utoqqartatta atugaat qanormita ippa? Aallakaatitami aamma peqataassaaq allammiua Malene Lyberth. Aaqqissuisuuvoq Jørgen M. Benjaminsen /episode/index/show/0ea68f07-0cbb-4d75-b923-dbc186d5055e/id/38281375

Timerput, eqqarsaativut sianiutivullu ataqatigiilluinnarput 09/19/2025

Timerput, eqqarsaativut sianiutivullu ataqatigiilluinnarput Perorsaasutut ilinniagalik timittalu sianiutaannut ilisimasalik Rita Skinnebach Hansen uani aallakaatitassiami oqaloqatigineqarpoq, ilaatigut ilinniakkami itisilerlugit nassuiarlugit. Aallakaatitassiortoq: Pilunnguaq Jørgensen. /episode/index/show/0ea68f07-0cbb-4d75-b923-dbc186d5055e/id/38276605

Utoqqaat pillugit oqaaseqartartoqarfimmiit pulaateqarpugut 09/15/2025

Utoqqaat pillugit oqaaseqartartoqarfimmiit pulaateqarpugut Utoqqaat pillugit oqaaseqartartoq Kiista P. Isaksen, ukiuni marlunngulersuni atorfeqareernermini kommuunit angallavigalugit tamakkerluinnarpai. Takusai, tusartagai saaffiginnissutaasartorpassuillu sammilaassavagut, utoqqartatta atugaat qanormita ippa? Aallakaatitami aamma peqataassaaq allammiua Malene Lyberth. Aaqqissuisuuvoq Jørgen M. Benjaminsen. /episode/index/show/0ea68f07-0cbb-4d75-b923-dbc186d5055e/id/38220780

Itsuartorfik 09/15/2025

Itsuartorfik Nuummi Imarsiornermut ilinniarfik pulaarparput. Umiatsiaararsortut allagartaqartalissappat? Inuttat atsioqatigiiffiusumik inuttanngortalissappat? Aalisagaq qaqinneqartoq tamakkingajallugu tunisassiarineqartalissava? Tamakkua ilaatigut aallakaatitami tikinneqartut ilagaat. Aallakaatitassiortoq Jørgen M. Benjaminsen. /episode/index/show/0ea68f07-0cbb-4d75-b923-dbc186d5055e/id/38220670

Piffinni assigiinngitsuni misigisat eqqumiitsut (2:2) 09/15/2025

Piffinni assigiinngitsuni misigisat eqqumiitsut (2:2) Aallakaatitassiami peqatigineqarput Regina Sandgreen aammalu Irene Olsen, tassani inuunerminni eqqumiitsunik quilertanarsinnaalunillu misigisartagaannik oqaluttuartinneqarput. Immikkoortuni marluusuni immikkoortut aappaat. Aallakaatitassiortoq: Pilunnguaq Jørgensen. /episode/index/show/0ea68f07-0cbb-4d75-b923-dbc186d5055e/id/38220555

Piffinni assigiinngitsuni misigisat eqqumiitsut (1:2) 09/12/2025

Piffinni assigiinngitsuni misigisat eqqumiitsut (1:2) Aallakaatitassiami peqatigineqarput Regina Sandgreen aammalu Irene Olsen, tassani inuunerminni eqqumiitsunik quilertanarsinnaalunillu misigisartagaannik oqaluttuartinneqarput. Immikkoortuni marluusuni immikkoortoq siulleq. Aallakaatitassiortoq: Pilunnguaq Jørgensen. /episode/index/show/0ea68f07-0cbb-4d75-b923-dbc186d5055e/id/38194745

Nipilersukkat kinaassuserlu Angerla Kielsen Olsen 09/05/2025

Nipilersukkat kinaassuserlu Angerla Kielsen Olsen Nipilersukkat nuannarisagut kinaassutsitsinnut ilisarnaataalluartuusinnaapput. Nipilersukkat erinnat tallimat atorlugit peqatigisarput Angerla Kielsen Olsen ilisarinerulaarumallugu appillattaaqatigaarput, tusakkagullu sammilaartarlugit. Aallakaatitamik suliarinnittoq Arqaluk Brandt Johansen. /episode/index/show/0ea68f07-0cbb-4d75-b923-dbc186d5055e/id/38103855

Fiassuit ilisaritippagut 09/05/2025

Fiassuit ilisaritippagut Nipilersoqatigiit Fiassuit album-imik erinnanik qulinik imalimmik saqqummersitseqqammisut 1998-mi aallarteqqaarsimanerat, nipilersoriaasiallu sakkortooq pillugit ilisaritippagut. Aallakaatitassiortoq: Arqaluk Brandt Johansen /episode/index/show/0ea68f07-0cbb-4d75-b923-dbc186d5055e/id/38103665

Qeqaannarlunga erinarsoqataasalerpunga 09/05/2025

Qeqaannarlunga erinarsoqataasalerpunga Qeqaannarlunga erinarsoqataasalerpunga Inuusuttuaraanerminiit erinarsornermik tussiarnermillu nuannarisalik 85-nik ukiulik Aasianneersoq Amalie Kûitse soqutigisai pillugit kingumut qiviartillugu oqaluttuartipparput. Aallakaatitassiortoq: Salomine Tobiassen. /episode/index/show/0ea68f07-0cbb-4d75-b923-dbc186d5055e/id/38101990

Misigisat qiiaamminartut eqqumiitsullu 09/05/2025

Misigisat qiiaamminartut eqqumiitsullu Unnuaannakkut iterami anaanani silaannarmiittoq takuaa, sunaaffa oqimangiata annisileraa. Meeraatilluni anaananilu eqqumiitsunik amiilaarnartumillu misigisaqarsimanertik pillugu Nuummeersup Julia Naasunnguaq Gyllingip oqaluttuaraa, kingornalu Aasianneersut Andreas Rafaelsen aamma Paaviaaraq Jakobsen, akadu misigisimasatik nassuiaruminaatsut oqaluttuaraat. /Salomine Tobiassen /episode/index/show/0ea68f07-0cbb-4d75-b923-dbc186d5055e/id/38101880

Nalunaarasuartaateqarnermit oqaluttuat imm.6 09/03/2025

Nalunaarasuartaateqarnermit oqaluttuat imm.6 Telegrammi siulleq 6. sept 1925 nassiunneqarpoq, nassiunneqarneraniillu ukiut 100-it qaangiupput. Qanga nalunaarasuartaateqarnerup oqaluttuassartaanit pisarsimasut sammivagut. Uanilu Kalaallit radiolerisutoqqat oqaluttuaat nangippagut. Aallakaatitassiortoq: Maliinannguaq Marcussen-Mølgaard. /episode/index/show/0ea68f07-0cbb-4d75-b923-dbc186d5055e/id/38070505

Misigisat eqqumiissinnaasut 09/03/2025

Misigisat eqqumiissinnaasut /episode/index/show/0ea68f07-0cbb-4d75-b923-dbc186d5055e/id/38070210

Aavarnermi misigisat eqqumiitsut 08/29/2025

Aavarnermi misigisat eqqumiitsut Mads Leviseni anaanani nukkanilu peqatigalugit Nuup kangerluani Ilulialimmi aavariarlutik eqqumiitsumik misigisaqarput, misigisimasaannillu oqaluttuartipparput. Aaqqissuisoq: Pilunnguaq Jørgensen. /episode/index/show/0ea68f07-0cbb-4d75-b923-dbc186d5055e/id/38022065

Meeraallungali timersorneq aallutaraara 08/29/2025

Meeraallungali timersorneq aallutaraara Sasja Henriksen Joelsen meeraanerminiilli ujakkaartartuuvoq massakkullu nunarput qimallugu Norgemi najugaqarluni timersuutini ingerlappaa - aqqutigisimasaanik oqaluttuartipparput. Aallakaatitassiortoq: Pilunnguaq Jørgensen /episode/index/show/0ea68f07-0cbb-4d75-b923-dbc186d5055e/id/38018965

Umiarsuarmi takornariartaammi sulineq nuannersoq 08/26/2025

Umiarsuarmi takornariartaammi sulineq nuannersoq Kalaaleqaterput Navarana Bidstrup nunani allaneersumik umiarsuarmi takornariartaammi aasaq manna sulivoq, ilinniarsimasaa pillugu ilaasimaneranillu oqaluttuartipparput. Aallakaatitassiortoq: Pilunnguaq Jørgensen. /episode/index/show/0ea68f07-0cbb-4d75-b923-dbc186d5055e/id/37959020

Narsarsuarmi pikialaartitsineq 08/26/2025

Narsarsuarmi pikialaartitsineq Ulluni pingasuni pikialaartitsineq aggustip ulluisa 22-anniit 24-at ilanngullugu Narsarsuarmi ingerlanenqassaaq. Taamatut aaqqissuussinissami suut sammitinniarneqarpat? Aaqqissuisuneersunik aamma innuttaasut ilaannik oqaloqateqarluni aallakaatitaq. Aaqqissuisoq Frederik Lund. /episode/index/show/0ea68f07-0cbb-4d75-b923-dbc186d5055e/id/37958675

Utoqqaat timersornerlu 08/25/2025

Utoqqaat timersornerlu Utoqqaat timersoqatigiiffii allatulli ukialernerani ingerlaqqilissallutik aallartisarput, ilaallumi aallartereerput. Sinerissatsinni timersoqatigiiffit ilaat ingerlattagaannik tusarniaavigaagut. Aallakaatitassiortoq Arqaluk Brandt Johansen /episode/index/show/0ea68f07-0cbb-4d75-b923-dbc186d5055e/id/37945115

Nalunaarasuartaateqarnermit oqaluttuat imm.4 08/21/2025

Nalunaarasuartaateqarnermit oqaluttuat imm.4 Telegrammit siulliup nassiunneqarneranit ukiut 100-it qaangiupput. Qanga nalunaarasuartaateqarnerup oqaluttuassartaanit pisarsimasut, atuakkamit “TELE 75 Oqaluttuatsialaat”-neersut sammivagut. Uanilu N.V. Nørgaardip allagai atuarpagut. Aallakaatitassiortoq Maliinannguaq Marcussen-Mølgaard. /episode/index/show/0ea68f07-0cbb-4d75-b923-dbc186d5055e/id/37902005

Inuunermi aqqutigisat ilinniarfigalugit 08/20/2025

Inuunermi aqqutigisat ilinniarfigalugit Miki Rosing inuunermini aqqutigisimasaanik oqaluttuartipparput, ilaatigut annaasaqarsimaneq aammalu aningaasanoorajuttuusimanerup silarsuaa tusarfigalugu. Aallakaatitassiortoq: Pilunnguaq Jørgensen. /episode/index/show/0ea68f07-0cbb-4d75-b923-dbc186d5055e/id/37890240

Nipilersornermik soqutigisaqarnera inuussutissarsiutigara 08/20/2025

Nipilersornermik soqutigisaqarnera inuussutissarsiutigara Nuummi Nipilersornermik Ilinniarfimmi ilinniartitsisoq Hansinnguaq Lennert album-imik erinnanik arfineq pingasunik imalimmik saqqummersitsisoq aallakaatitsivitsinni pulaartoralugu ilisaritipparput. Aallakaatitassiortoq Arqaluk Brandt Johansen /episode/index/show/0ea68f07-0cbb-4d75-b923-dbc186d5055e/id/37888530

Nalunaarasuartaateqarnermit oqaluttuat imm.3 08/19/2025

Nalunaarasuartaateqarnermit oqaluttuat imm.3 Telegrammit siulliup nassiunneqarneranit ukiut 100-it qaangiupput. Qanga nalunaarasuartaateqarnerup oqaluttuassartaanit pisarsimasut, atuakkamit “ TELE 75 Oqaluttuatsialaat”-neersut tusassavagut. Uanilu Preben Thanep allagai atuarpagut. Aallakaatitassiortoq: Maliinannguaq Marcussen-Mølgaard. /episode/index/show/0ea68f07-0cbb-4d75-b923-dbc186d5055e/id/37874980

Nalunaarasuartaateqarnermit oqaluttuat imm.2 08/19/2025

Nalunaarasuartaateqarnermit oqaluttuat imm.2 Qanga nalunaarasuartaateqarnerup oqaluttuassartaanit pisarsimatut, atuakkamit Tele 75-imiittut tusarfigaagut. Uanilu Fritz fenckerip aamma Hans Lyngellu allagai atuarpagut. Aallakaatitassiortoq Maliinannguaq Marcussen-Mølgaard. /episode/index/show/0ea68f07-0cbb-4d75-b923-dbc186d5055e/id/37874955

Nalunaarasuartaateqarnermit oqaluttuat imm.1 08/19/2025

Nalunaarasuartaateqarnermit oqaluttuat imm.1 Qanga nalunaarasuartaateqarnerup oqaluttuassartaanit pisarsimatut, atuakkamit Tele 75-imiittut tusarfigaagut. Uanilu radioqarfimmi pisortamut nuliaasimasup, kigutilerisuusimasullu Valborg Albrechtsenip oqaluttuai tusarlutigit. Aallakaatitassiortoq: Maliinannguaq Marcussen-Mølgaard. /episode/index/show/0ea68f07-0cbb-4d75-b923-dbc186d5055e/id/37874925

Tamassa kangujarlutit - Hans B. Noahsen 08/19/2025

Tamassa kangujarlutit - Hans B. Noahsen Kangujartipparput Nuummiu Hans B. Noahsen. Ukiorpassuit nipilersortartuunera, ilaquttanilu piliartortanerat, ukiumilu sisoraatinik sangusaartartuniinnera tikillattaallugit oqaloqatigaarput, tusarusutaanik appilallaattaarluta. Aallakaatitassiortoq: Jørgen M. Benjaminsen /episode/index/show/0ea68f07-0cbb-4d75-b923-dbc186d5055e/id/37874915

Aasaanerani pisartut 08/19/2025

Aasaanerani pisartut Aasaanerani sumiiffinni assigiiinnngitsuni pisut pisussallu sammilllugit tusagassiat - aamma aasaanerani nalaatat pillugit isummersortitsinerit imaralugit aallakaatitaq. Aaqqissuisoq Frederik Lund. /episode/index/show/0ea68f07-0cbb-4d75-b923-dbc186d5055e/id/37874900

Radiomi aallakaatitassiat, KNR

TOPICS