Oqalliffik, KNR

Inuiaqatigiinni pisut pillugit aallakaatitassiaq. Aaqqissuisoq Thora Monrad Hansen

Oqalliffik 09.05.2025 05/09/2025

Oqalliffik 09.05.2025 Oqalliffimmi sammineqartoq tassaavoq Naalakkersuisut siulittaasuata Danmarkimut apriilimi angalasimanera, tassungalu atatillugu Danmarkimi ministeriunermik Mette Frederiksenimik ataatsimeeqateqarsimanerata inernera. Tamanna nunatsinni partiinit ataasiinnaanngitsumit apeqqutinik pilersitsivoq, ilaatigullu Namminersorneq pillugu inatsit qanoq allanngortinneqarsinnaanersoq pillugu oqaloqatigiittoqarsimaneranik oqaluttoqarnera isumakulunnartutut nalilerneqarluni. Partiit tallimat aallartitaat oqallitsippavut. Aaqqissuisoq Thora M. Hansen /episode/index/show/5bd2a6bf-6ffe-49a6-b03e-a2260e98a2f9/id/36506805

Oqalliffik 02.05.2025 05/02/2025

Oqalliffik 02.05.2025 Suliffeqarfinnik aallarnissaasut. Tassunga atatillugu Inatsisartut Inuussutissarsiornermut Aatsitassanullu Ataatsimiititaliaani ilaasortat oqallinnissamut qaaqqunikuuavut, eqqartugassaasalu ilagaat Naalakkersuisut isumaqatigiissutaanni allassimasut, apeqqutillu ilaatigut tikinneqartussat tassaapput; nunarput suup tungaanut ingerlassava? Aamma suut suliniarfiusariaqarpat?. Aqqissuisoq Thora M. Hansen." /episode/index/show/5bd2a6bf-6ffe-49a6-b03e-a2260e98a2f9/id/36409110

Oqalliffik 25.04.2025 04/25/2025

Oqalliffik 25.04.2025 Oqalliffimmi sammineqartussaq tassaavoq: "Suliffeqarneq siunissarlu". Ukiuni makkunani oqallisaangaatsiartut ilagaat suliffissaaleqisut, sulisussaaleqisut kiisalu siunissamut piareersarnissaq. Nunarput nutaanik naalakkersuisortaarsimalerpoq, Naalakkersuisoqatigiillu isumaqatigiissutaanni suliffeqarneq piginnaanngorsaanerlu aamma mininneqarsimanngillat. Inuiaqatigiit killiffiat pillugu kattuffiit oqallitsissavavut. Aaqqissuisoq Thora M. Hansen." /episode/index/show/5bd2a6bf-6ffe-49a6-b03e-a2260e98a2f9/id/36309580

Debat på dansk 07.03.2025 03/07/2025

Debat på dansk 07.03.2025 De næste to timer sender vi en dansksproget debat i forbindelse med det kommende Inatsisartut-valg, som afholdes 11. marts. Med i studiet er repræsentanter for partierne, og der vil blive debatteret forskellige emner blandt andet, sundhedsvæsenet, selvstændighed og økonomi. Debat værten er Mads Malik Fulgsang Holm. /episode/index/show/5bd2a6bf-6ffe-49a6-b03e-a2260e98a2f9/id/35574280

Oqalliffik 07.02.2025 02/07/2025

Oqalliffik 07.02.2025 Naalakkersuisunikkut sulinermi killiffik aamma Inatsisartunut qinersinissaq Oqalliffimmi sammineqarput. Peqataasut tassaapput Inuit Ataqatigiit siulittaasuat Múte Bourup Egede, Siumup siulittaasua Erik Jensen, Naleqqap siulittaasua, Pele Broberg, Atassutip siulittaasua Aqqalu C. Jerimiassen aamma Demokraatit siulittaasuat Jens-Frederik Nielsen. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/35190200

Oqalliffik 17.01.2025 01/17/2025

Oqalliffik 17.01.2025 Nunatsinni angerlarsimaffeqanngitsutut nalunaarsorneqarsimasut nuna tamakkerlugu 2022-mi kisinneqarmata 491-iupput. Kisitsisit appartinniarlugit qanoq iliortoqartariaqarpa? Apeqqutit ilaatigut taama ittut akissutissarsiniarlugit partiit Inatsisartuni ilaasortaatitaqartut pulaartoralugit oqallitsippavut. Aaqqissuisoq Thora Monrad Hansen /episode/index/show/5bd2a6bf-6ffe-49a6-b03e-a2260e98a2f9/id/34893525

Oqalliffik 10.01.2025 01/10/2025

Oqalliffik 10.01.2025 USA-mi præsidentitut januaarip 20-ani ivertinneqartussap Donald Trumpip ernera Donald Trump Jr.-ip Nuummut marlunngormat tikeraarnera innuttaasunit amerlaqisunit arajutsineqarsimagunanngilaq. Tusagassiorfiit nunanit allaninngaanneersut nunatsinneersullu malinnaasut ulloq unnuarlu allaaserinnillutillu aallakaatitassiaraat. Oqaluuserineqangaatsiartorlu tassaavoq tikeraarnera nunatsinnut qanoq kinguneqassanersoq kiisalu nunatta nunanut allanut politikkianut qanoq sunniuteqartigissanersoq. Inatsisartuni partiit aallartitaat Oqalliffimmi pulaartorineqarput. Aaqqissuisoq Thora Monrad Hansen /episode/index/show/5bd2a6bf-6ffe-49a6-b03e-a2260e98a2f9/id/34805900

Oqalliffik 06.12.2024 12/06/2024

Oqalliffik 06.12.2024 Aappaagumut aningaasanut inatsisissatut siunnersuut Inatsisartunit amerlanerussuteqartunit novembarip 22-ani akuersissutigineqarpoq. Kattuffiit aningaasanut inatsisissaq pillugu isummersortippavut. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/34315340

Oqalliffik 29.11.2024 11/29/2024

Oqalliffik 29.11.2024 Inatsisartut ukiakkut ataatsimiinnerat immikkoortunut marlunnut avinneqarsimasoq immikkoortuisa siulliat tallimanngormat naammassivoq, aatsaallu februaarimi naapeqqissapput. Inatsisartut 2025-mut Aningaasanut Inatsit ataatsiinnerminni ullormi kingullermi naammassillugu oqaluuseraat, amerlanerussuteqartunillu akuerineqarluni. Partiit siuttui oqallitsinneqarput, tassaappullu: Inuit Ataqatigiit siulittaasuat Múte Bourup Egede, Atassummi siulittaasup tullia Bentiaraq Ottosen, Demokraatit siulittaasuat Jens Frederik Nielsen, Siumup siulittaasua Erik Jensen aamma Naleqqap siulittaasua Pele Broberg. Aaqqissuisoq Thora Monrad Hansen /episode/index/show/5bd2a6bf-6ffe-49a6-b03e-a2260e98a2f9/id/34202125

Oqalliffik 21.11.2024 11/21/2024

Oqalliffik 21.11.2024 Kommuuninut apriilimi qinersissaagut. Kommuunit siunissaat qanoq isikkoqarpa, aappaagu qinersinerup kingornatigut qanoq suleriaaseqassappat, kommuunit aggulunneqarnissaannik kissaateqartoqartarmat agguluinissap tungaanut sullissineq pitsaanerpaaq qanoq anguneqarsinnaava? Apeqqutit ilaatigut taama ittut pillugit borgmesterit Oqalliffimmi isummersortitsissaavut. Aaqqissuisoq Thora Monrad Hansen /episode/index/show/5bd2a6bf-6ffe-49a6-b03e-a2260e98a2f9/id/34095491

Oqalliffik 15.11.2024 11/15/2024

Oqalliffik 15.11.2024 Takornarialerineq qanoq ilusilersorneqassavara, tamanna pillugu Naalakkersuisut inatsisissanik nutaanik marlunnik suliaqarput, Inatsisartunit novembarip 15-iani aappassaaneerlugit oqaluuserineqartussanik. Takornarianit ornigarneqarluartartoq tassaavoq Ilulissat. Ilulissani takornarianik sullissisut inatsisissat pillugit Oqalliffimmi isummersortissavavut. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/33943327

Oqalliffik 01.11.2024 11/01/2024

Oqalliffik 01.11.2024 Nunarput Nunat Avannarliit Siunnersuisoqatigiivini qanoq siunissaqartigiva? Apeqqut tamanna akissutissarsiniarlugu partiit Inatsisartuni ilaasortaatitaannik Oqalliffimmi peqataajumaasinnaasunik qaaqqusinikuuvugut, peqataasullu tassaapput: Inuit Ataqatigiinninngaanniit Pipaluk Lynge, Naleqqaminngaanniit Pele Broberg, Atassumminngaanniit Bentiaraq Ottosen, Demokraatininngaanniit Nivi Olsen aamma Siumuminngaanniit Kuno Fencker. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/33733837

Oqalliffik 25.10.2024 10/25/2024

Oqalliffik 25.10.2024 Inuiaqatigiinni ingerlaaserput eqqarsaatigalugu sumut killippugut? Apeqqutit ilaatigut taama ittut Oqalliffimmi sammissavavut. Inatsisartuni oqallinnerit sakkortuut kingullertigut pipput, allaallu naalakkersuisumik ataasiinnaanngitsumik tatiginnikkunnaarnermik taasisitsisoqartarsimalluni. Oqalliffimmi peqataasut tassaapput: Naleqqap siulittaasua Pele Broberg, Siumup siulittaasua Erik Jensen, Inuit Ataqatigiit siulittaasuat Múte B. Egede, Demokraatit siulittaasuat Jens Frederik Nielsen aamma Atassutip siulittaasua Aqqalu C. Jerimiassen. Aaqqissuisoq Thora M. Hansen. /episode/index/show/5bd2a6bf-6ffe-49a6-b03e-a2260e98a2f9/id/33611567

Oqalliffik 18.10.2024 10/18/2024

Oqalliffik 18.10.2024 Sapaatip-akunneranut sulisarneq 40 tiimit 35 tiiminut appartinneqassappat inuiaqatigiinnut qanoq kinguneqassanersoq Naalakkersuisut misissueqqullugit Inatsisartuni ilaasortap Demokraatinneersup Anna Wangenheimip siunnersuutaa Inatsisartuni oqaluuserineqartussat ilagaat. Tassunga tunngatillugu kattuffiit qanormita isumaqarpat? Nunatsinni kattuffiit ilaasa aallartitaannik oqallitsitsivugut, peqataasullu tassapput: Sulinermik Inuussutissarsiuteqartut Kattuffianni siulittaasoq Jess G. Berthelsen, Atorfillit Kattuffianni, siulittaasoq Dina Olsen, Nunatsinni Perorsaasut Kattuffianni siulittaasoq Arnaq Brønlund aamma Sulisitsisuninngaanniit Bent Sørensen. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/33512737

Oqalliffik 11.10.2024 10/11/2024

Oqalliffik 11.10.2024 Nunatsinni sapaatip akunneranut sulisarneq 40 tiimiuvoq, tamanna 35 tiiminut appartinneqarpat inuiaqatigiinnut qanoq sunniuteqassanersoq Naalakkersuisut misissueqqullugit Inatsisartuni ilaasortaq Anna Wangenheim siunnersuuteqarpoq. Partiit Inatsisartuni ilaasortaatitaqartut oqallinnissamut periarfissinnikuuavut, Oqalliffimmilu peqataasut tassaapput Demokraatininngaanniit Anna Wangenheim, Siumuminngaaniit Mala Høy Kúko, Inuit Ataqatigiinninngaanniit Lars Salik Henningsen, Atassuminngaanniit Aqqalu C. Jerimiassen aamma Naleqqaminngaanniit Pele Broberg. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/33417957

Oqalliffik 04.10.2024 10/04/2024

Oqalliffik 04.10.2024 Sulisinnaasut sulinngitsut illuatungaanilu suliffeqarfiit sulisussaaleqisut Oqalliffimmi sammineqarput. Inatsisartuni ilaasortat peqataasut tassaapput Atassumminngaanniit Aqqalu C. Jerimiassen, Naleqqaminngaanniit Jens Napaattooq, Inuit Ataqatigiinninngaanniit Kristian Jerimiassen, Siumuminngaanniit Mala Høy Kúko aamma Demokraatininngaanniit Jens Frederik Nielsen. Aaqqissuisoq Thora Monrad Hansen /episode/index/show/5bd2a6bf-6ffe-49a6-b03e-a2260e98a2f9/id/33328622

Oqalliffik 27.09.2024 09/27/2024

Oqalliffik 27.09.2024 Naalakkersuisut siulittaasuat Inatsisartut ukiaanerani ataatsimiinnerat aallarnerlugu tallimanngormat kingullermik oqalugiarpoq, taannalu Inatsisartunit ataasinngormat oqaluuserineqarpoq. Partiit Inatsisartuni ilaasortaatitaqartut siulittaasuisa oqalugiaat tunngavigalugu oqallitsippavut. Peqataasut tassaapput: Demokraatit siulittaasuat Jens Frederik Nielsen, Naleqqap siulittaasua Pele Broberg, Siumup siulittaasua Erik Jensen, Inuit Ataqatigiit siulittaasuat Múte Bourup Egede aamma Atassutip siulittaasua Aqqalu C. Jerimiassen. Aaqqissuisoq Thora Monrad Hansen /episode/index/show/5bd2a6bf-6ffe-49a6-b03e-a2260e98a2f9/id/33231217

Oqalliffik 20.09.2024 09/23/2024

Oqalliffik 20.09.2024 Ataatsimoorluta inissiat peqqissuutitsigit. Naalakkersuisut Namminersorlutik Oqartussat inissiaataannik iluarsartuussinissamut pilersaarutaat" saqqummiunneqaqqammerpoq. Partiit Inatsisartuni ilaasortaatitaqartut Oqalliffimmi peqataapput, tassaappullu: Naleqqaminngaanniit Pele Broberg, Siumuminngaanniit Kuno Fencker, Atassumminngaanniit Bentiaraq Ottosen, Inuit Ataqatigiinninngaanniit Kristian Jerimiassen aamma Demokraatininngaanniit Jens-Frederik Nielsen. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/33168082

Oqalliffik 13.09.2024 09/13/2024

Oqalliffik 13.09.2024 Inatsisartuni ilaasortat maannamut 31-upput, taama amerlassuseqartuaannassappat? Kisitseriaaseq allanngortinneqassava? Nuna tamakkerlugu qinersivik ataasiinnaasoq allanngortinneqartariaqarpa, kommuunitoqqat qinersiviit uterfigineqassappat? Apeqqutit ilaatigut taama ittut Inatsisartuni ilaasortap Naleqqaminngaanneersup Jens Napaattuup Inatsisartunut oqallisissiarisimavai. Taakku akissutissarsiniarlugit Inatsisartuni partiit aallartitaat oqallitsippavut, tassaappullu: Inuit Ataqatigiinninngaanniit Aqqaluaq B. Egede, Siumuminngaanniit Kuno Fencker, Demokraatininngaanniit Nivi Olsen, Atassumminngaanniit Aqqalu C. Jerimiassen aamma Naleqqaminngaanneersoq Jens Napaattooq. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/33038782

Oqalliffik 06.09.2024 09/06/2024

Oqalliffik 06.09.2024 Arctic Umiaq Linemut kiffartuussinissamut isumaqatigiissut aappaagu ukiup naanerani naassaaq, taassuma kingorna angallassinikkut aaqqissuussaaneq qanoq iluseqassava? Arctic Umiaq Linemik isumaqatigiissut nanginneqassava imaluunniit taamaatinneqassava? Oqalliffimmi peqataasut tassaapput: Naleqqaminngaanniit Pele Broberg, Demokraatininngaanniit Jens Frederik Nielsen, Atassumminngaanniit Aqqalu C. Jerimiassen aamma Siumuminngaanniit Anders Olsen. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/32945777

Oqalliffik 23.08.2024 08/23/2024

Oqalliffik 23.08.2024 Oqalliffimmi qulequtarineqartoq tassaavoq Naalakkersuisut 2025-mut Aningaasanut Inatsisissatut Siunnersuutaat. Oqallinnermi peqataasut tassaapput Demokraatit siulittaasuat Jens Frederik Nielsen, Siumup siulittaasua Erik Jensen, Inuit Ataqatigiinninngaanniit Asii Chemnitz Narup, Naleqqap siulittaasua Pele Broberg aamma Atassutip siulittaasua Aqqalu C. Jerimiassen. Oqalliffimmi aqutsisuuvoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/32710947

Oqalliffik 14.06.2024 06/14/2024

Oqalliffik 14.06.2024 Avannaata Kommuniata siunissaa qanoq isikkoqarpa? Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/31746242

Oqalliffik 07.06.2024 06/07/2024

Oqalliffik 07.06.2024 Kalaallit Nunaanni Danmarkimilu tjenestemandit pensionisiallit atugarisaat Ilinniartitsisut Kattuffiata IMAK-ip misissuiffigisimavai. Misissuinermi inernerineqartut aammali soraarnerussutisiallit allat Danmarkimut nuuttarnerat Oqalliffimmi sammivavut. Tassunga atatillugu Nunatsinni Perorsaasut Kattuffianni siulittaasoq Arnaq Brønlund aamma Ilinniartitsisut Meeqqat Atuarfianneersut Kattuffianni IMAK-imi siulittaasoq Elna Heilmann isummersortinneqarput. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/31644862

Oqalliffik 31.05.2024 05/31/2024

Oqalliffik 31.05.2024 Namminersorneq pillugu Inatsimmut §21-mut aamma Naalagaaffinngornissaq pillugu isumasiuilluni taasisitsinissamut tunngasoq Inatsisartut ataatsimoortillugit maajip 28-ani aappassaanik naggataasumillu oqaluuseraat. Partiit Inatsisartuni ilaasortaatitaqartut Oqalliffimmut peqataatitaqarnissaannik periarfissinnikuuavut, peqataasullu tassaapput: Inuit Ataqatigiinninngaanniit Harald Bianco, Siumuminngaanniit Kuno Fencker, Naleqqaminngaanniit Pele Broberg aamma Atassumminngaanniit Aqqalu C. Jerimiassen. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/31547732

Oqalliffik 24.05.2024 05/24/2024

Oqalliffik 24.05.2024 ”Naalakkersuisut takornariaqarneq pillugu tusarniaassutit marluk maanna ingerlappaat. Taakku tamarmik kikkut takornarialerisuusarnissaannut aamma sumiiffinni assigiinngitsuni takornariartitsisarnermut tunngassuteqarput. Inatsisit atuutilissappata tamarmik januaarip aallaqqaataani 2025-imi atuutilissapput. Nunatsinni takornarialerineq qanoq ilusilersussavarput? Oqalliffimmi tamanna sammissavarput. Oqalliffimmi peqataasut tassaapput Inatsisartuni ilaasortat; Siumuminngaanniit Lars Poulsen, Naleqqaminngaanniit Pele Broberg, Demokraatininngaanniit Jens-Frederik Nielsen, Inuit Ataqatigiinninngaanniit Mikivsuk Thomassen aamma Atassumminngaanniit Aqqalu C. Jerimiassen. Aaqqissuisoq Thora Monrad Hansen.” /episode/index/show/5bd2a6bf-6ffe-49a6-b03e-a2260e98a2f9/id/31451417

Oqalliffik 17.05.2024 05/17/2024

Oqalliffik 17.05.2024 Aalisarnermut inatsisissatut siunnersuut Inatsisartut sisamanngornermi 16.maj oqaluuserimmassuk amerlanerussuteqartut, tassalu partiit Naalakkersuisuutitaqartut, akueraat. Taamaalilluni aalisarnermut inatsit nutaaq 2025-mi ukiup aallartinneranit atuutilissaaq. Aalisarnermut inatsisip suliarineqarnera naammassineqarneralu pillugit Inatsisartuni partiit siulittaasui oqallitsippavut, tassaappullu: Inuit Ataqatigiit siulittaasuat Múte B. Egede, Siumup siulittaasua Erik Jensen, Naleqqap siulittaasua Pele Broberg, Demokraatit siulittaasuat Jens-Frederik Nielsen aamma Atassutip siulittaasua Aqqalu C. Jerimiassen. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/31352822

Oqalliffik 10.05.2024 05/10/2024

Oqalliffik 10.05.2024 Aalisarnermut inatsisissaq Inatsisartunit aappassaaneerlugu tallimanngornermi maajip 10-ni nalunaaqutaq 13.00 aallartittumik oqaluuserinissaa sioqqullugu aalisarnermut attuumassutillit aggersarlugit oqallitsippavut, aalisarnermik inatsisissatut siunnersuut minnerunngitsumillu Inatsisartut Aalisarnermut Piniarnermut Nunalerinermullu Ataatsimiititaliaata Isumaliutissiissutaa pingasunngormat maajip 8-ni saqqummertoq oqallisigitikkusullutigu. Oqallinnermi peqataasut tassaapput: Qalerualinniat Aalisagarniallu Kattuffianni siulittaasoq Henrik Sandgreen, Sulinermik Inuussutissarsiuteqartut Kattuffianni siulittaasoq Jess G. Berthelsen, Sulisitsisuninngaanneersoq aamma Polar Seafoodimi pisortaq Bent Salling, Kalaallit Nunaanni Aalisartut Piniartullu Kattuffianni siulittaasoq Nikkulaat Jerimiassen aamma Sinerissap Qanittuani Aalisartut Piniartullu Kattuffianni pisortaq Erik Lange. Oqalliffimmi aaqqissuisuuvoq Thora Monrad Hansen /episode/index/show/5bd2a6bf-6ffe-49a6-b03e-a2260e98a2f9/id/31229477

Oqalliffik 03.05.2024 05/03/2024

Oqalliffik 03.05.2024 Napparsimasut illersuisuannik pilersitsisoqarnissaanut tunngasoq Inatsisartut siullermeerlugu maajip aappaani oqaluuseraat, Siumut taassuminnga siunnersuuteqartuuvoq. Tamanna pillugu Inatsisartut Ilaqutariinnermut Peqqissutsimullu Ataatsimiititaliaani ilaasortat, tassalu: Demokraatininngaanniit Anna Wangenheim, Naleqqaminngaanniit Mette Arqe-Hammeken, Inuit Ataqatigiinninngaanniit Mikivsuk Thomassen aamma Siumuminngaanniit Doris Jakobsen Jensen pulaartoralugit oqallitsippavut. Taakku saniatigut Atassut Ilaqutariinnermut Peqqissutsimullu Ataatsimiititaliami ilaasortaatitaqanngikkaluartoq immikkut aggersarnikuuarput, Inatsisartuni partiit tamarmik isumaat tusarusullutigit. Atassumminngaanniit Siverth K. Heilmann taamaalilluni aamma peqataavoq. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/31101488

Oqalliffik 12.04.2024 04/12/2024

Oqalliffik 12.04.2024 Inatsisartut upernaakkut ataatsimiillutik tallimanngormat kingullermi naluneqanngitsutut aallartipput. Tassunga tunngatillugu Inatsisartuni partiit siulittaasui aggersarnikuuavut, Aalisarnermut inatsit ilaatigut oqallisigitissallutigu. Inuit Ataqatigiit siulittaasuat Múte B. Egede, Siumup siulittaasua Erik Jensen, Naleqqap siulittaasua Pele Broberg, Demokraatit siulittaasuat Jens-Frederik Nielsen aamma Atassutip siulittaasua Aqqalu C. Jerimiassen pulaartoralugit oqallitsippavut. Aaqqissuisoq Thora Monrad Hansen. /episode/index/show/5bd2a6bf-6ffe-49a6-b03e-a2260e98a2f9/id/30796208

Oqalliffik 22.03.2024 03/22/2024

Oqalliffik 22.03.2024 Kalaallit Nunaanni Naatsorsueqqissaartarfik naapertorlugu suliffissarsiorlutik februaarimi nalunaarsorneqarsimasut katillugit 1.531-iupput. Illuatungaatigut Sulisitsisut kisitsisaataanni decemberimi 2022-minngaanneersuni aamma Aningaasaqarnikkut Ingerlatsineq pillugu Nalunaarut 2023-imi allaaserineqarsimavoq sulisussanik 1.100-nik amigaateqartoqartoq. Taakku qanoq iliuuseqarfigineqarsinnaappat? Apeqqutit tassunga tunngasut Inatsisartuni partiit aallartitaasa peqataaffigisaannik oqallitsippavut. Peqataasullu tassaapput Demokraatininngaanniit Nivi Olsen, Siumuminngaanniit Dines Mikaelsen, Atassutip siulittaasua Aqqalu C. Jerimiassen, Naleqqap siulittaasua Pele Broberg aamma Inuit Ataqatigiinninngaanniit Kristian Jerimiassen. Aaqqissuisoq Thora Monrad Hansen /episode/index/show/5bd2a6bf-6ffe-49a6-b03e-a2260e98a2f9/id/30496343

Oqalliffik, KNR

TOPICS