Gullkastið

Gullkastið er hlaðvarpsþáttur Kop.is um allt tengt Liverpool FC og enska boltanum. Þátturinn hóf göngu sína í maí árið 2011. Stjórnendur Einar Matthías, Maggi og SSteinn

Gullkastið – Skemmtanagildið Vandamál 01/05/2026

Gullkastið – Skemmtanagildið Vandamál Fyrir utan ákaflega ósannfærandi stigasöfnun undanfarið er eitt helsta vandamál Arne Slot þessa dagana hvaða leikur Liverpool liðsins er hrútleiðinlegur. Það er ekkert hugrekki í leik liðsins, leikplanið virðist meira snúast um að tapa ekki frekar en að vinna og flest öll tölfræði sem við tengjum við leik Liverpool er orðin áhyggjuefni. Liverpool gerði fyrsta 0-0 jafnteflið sitt í tæplega tvö ár gegn Leeds á Anfeild og afrekaði þar með að fara í gegnum báða leikina gegn nýliðum Leeds án þess að vinna. Klárlega einn leiðinlegasti Liverpool leikur í seinni tíð. Því var fylgt eftir með örlítið betri spilamennsku gegn vængbrotnu liði Fulham sem á endanum skilaði sömu niðurstöðu. Fjórða skipti í vetur sem Liverpool fær á sig mark í uppbótartíma og tapar stigum fyrir vikið. Hufarfars skrísmli eru okkar menn alls ekki þessa dagana. Það voru heldur betur vendingar hjá United og Chelsea sem bæði ráku stjórann í þessari viku en þetta eru helstu keppinautar Liverpool í vetur eins slæmt og það nú er. Áhugavert að skoða hvaða stjórar koma helst til greina hjá þessum liðum. Leikmannamarkaðurinn er opinn en helstu fréttir þessa dagana eru að flestir þeir leikmenn sem við vorum að vonast til að Liverpool myndu klára í janúar eru á leiðinni til Man City. Ekkert staðfest ennþá samt. Næstu verkefni eru svo Arsenal á útivelli á fimmtudaginn og svo bikarleikur gegn Barnsley strax eftir helgi. Það eru ekki alltaf jólin og þau eru svo sannarlega búin núna. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti: / / / / /episode/index/show/kopis/id/39617940

Gullkastið – Horft Um Öxl og Áfram Veginn 12/29/2025

Gullkastið – Horft Um Öxl og Áfram Veginn Lokaþáttur ársins og þáttur númer 550 af Gullkastinu, geri aðrir betur. Hlóðum í uppgjör á afar sveiflukenndu og áhugaverðu ári og spáðum aðeins í spilin fyrir nýtt ár. Þrjú stig á Anfield gegn botnliði Wolves og tveir deildarleikir framundan í þessari viku, Leeds á nýársdag og Fulham úti á sunnudaginn. Ögurverks liðið var klárað og Fagmaðurinn í boði Deloitte að sjálfsögðu á sínum stað. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti: / / / / /episode/index/show/kopis/id/39557220

Gullkastið – Blóðug Rauð Jól 12/22/2025

Gullkastið – Blóðug Rauð Jól Sigur á Spurs í London í lokaleiknum fyrir Jól þannig að jólin verða sannarlega rauð en blóðugur var hann blessaður leikurinn. Spáum í því helsta í slúðrinu enda ljóst að Liverpool bara verður eitthvað að láta til sín taka í janúarglugganum. Úlfarnir mæta svo á Anfield milli jóla og nýárs, reynum að púsla saman Liverpool liði í þeim leik. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti: / / / / /episode/index/show/kopis/id/39506110

Gullkastið - Er það versta afstaðið? 12/17/2025

Gullkastið - Er það versta afstaðið? Staðan innan sem utan vallar hefur heldur betur lagast frá því í síðustu viku. Tveir góðir sigurleikir og framtíð Salah hjá Liverpool er kannski ekki eins neikvæð og hún leit út fyrir að vera. Spáum í leiki vikunnar og næsta verkefni. Eins spáum við í spilin fyrir janúargluggan og hvaða möguleika Liverpool á þar. Dregið var út vinningshafa í gjafaleik a og Ögurverk liðið var á sínum stað. Stjórnandi: Einar Matthías Viðmælendur: Maggi og SSteinn Þökkum að vanda samstarfsaðilum þáttarins fyrir að hjálpa okkur að halda síðunni úti: / / / / /episode/index/show/kopis/id/39443785

Gullkastið – Salah að kveðja? 12/08/2025

Gullkastið – Salah að kveðja? Mo Salah tók því heldur betur ekki þegjandi að vera settur á bekkinn í heila viku og í kjölfarið á eldfimu viðtali eftir leik helgarinnar er raunverulegur möguleiki á að hann hafi nú þegar spilað sinn síðasta leik fyrir Liverpool. Svo innilega alls ekki það sem félagið vantaði ofan á allt annað akkúrat núna. Uppreisn Salah gæti mögulega tekið aðeins hitann af Arne Slot því félagið virðist enn sem komið er ætla að halda tryggð við Slot og spurning hvernig skilaboð það væri til lengri tíma að reka stjórann til að friða súperstjörnu. Fjarvera Salah í útileik gegn Inter Milan einfaldar verkefnið alls ekki og hópurinn orðin ansi þunnur. Endilega rennið yfir Ívars fyrir leikinn annað kvöld gegn Inter Eins og við ræddum í þættinum stendur til að vera með gjafaleik í samstarfi við . Við setjum færslu inn í fyrramálið um þann leik sem og á facebook. Stjórnandi: Einar Matthías Viðmælendur: Maggi og SSteinn Þökkum að vanda samstarfsaðilum þáttarins fyrir að hjálpa okkur að halda síðunni út /episode/index/show/kopis/id/39326715

Gullkastið – Jafntefli er tap með betra orðspor 12/04/2025

Gullkastið – Jafntefli er tap með betra orðspor Þrír leikir á rúmlega viku sem skiluðu öðru hræðilegu tapi á Anfield, fyrsta úti sigrinum í 77 daga og svo ákaflega ósannfærandi jafntefli gegn nýliðum Sunderland á Anfield þar sem á köflum var erfitt að greina hvort liðið væri á heimavelli. Spilamennska Liverpool liðsins er lítið sem ekkert að batna og frekar en trúin á verkefnið, hvorki innan sem utan vallar. Arne Slot er næst líklegastur allra stjóra í deildinni til að verða rekinn næst, aðeins Daniel Farke er líklegri og þeir mætast einmitt um helgina Stjórnandi: Einar Matthías Viðmælendur: Maggi Þökkum að vanda samstarfsaðilum þáttarins fyrir að hjálpa okkur að halda síðunni úti og bjóðum velkomna til leiks á ný en þeir verða með okkur núna út árið, er alveg tilvalin jólagjöf. / / / /episode/index/show/kopis/id/39280390

Gullkastið - Viðspyrnan er best frá botninum... 11/25/2025

Gullkastið - Viðspyrnan er best frá botninum... Það gengur gjörsamlega ekkert upp hjá Liverpool þessa dagana, liðið er rosalega brothætt og andlaust og ljóst eftir helgina að breytinga er þörf, bara spurning í hvaða formi þær verða. Félagið okkar var ekkert að vinna með okkur á Kop.is sem fórum í annars frábæra Verdi Travel hópferð til Englands, kudos á alla þá miklu meistara sem fóru með okkur til borgarinnar góðu. Það eru ekki alltaf jólin í þessu, en þau eru blessunarlega í næsta mánuði. Stjórnandi: Einar Matthías Viðmælendur: Maggi og SSteinn Þökkum að vanda samstarfsaðilum þáttarins fyrir að hjálpa okkur að halda síðunni úti og bjóðum velkomna til leiks á ný en þeir verða með okkur núna út árið, er alveg tilvalin jólagjöf. / / / /episode/index/show/kopis/id/39169715

Gullkastið – Forest um helgina 11/19/2025

Gullkastið – Forest um helgina Liverpool mætir Nottingham Forest um helgina eftir langt landsleikjahlé og Kop.is verður á leiknum með stórgóðan hóp. Leikmannaslúður, vangaveltur um sumargluggann og nýtt Ögurverk lið einnig á dagskrá. Stjórnandi: Einar Matthías Viðmælendur: Maggi Þökkum að vanda samstarfsaðilum þáttarins fyrir að hjálpa okkur að halda síðunni úti og bjóðum velkomna til leiks á ný en þeir verða með okkur núna út árið, er alveg tilvalin jólagjöf. / / / /episode/index/show/kopis/id/39099670

Gullkastið – Believers í Doubters aftur 11/10/2025

Gullkastið – Believers í Doubters aftur Liverpool voru ekki lengi að henda öllu því jákvæða frá vikunni á undan út um gluggann á Etihad með einni linustu frammistöðu tímabilsins og er þá nú töluvert mikið sagt. Það féll sannarlega ekkert með Liverpool í þessum leik og niðurstaðan því stærsta tap Arne Slot sem stjóri Liverpool. Hann er heldur betur að slá flest sín met hvað slæma tölfræði varðar þessa dagana því miður. Hjálpaði sannarlega ekki á Etihad að öll vafaatriði og “vafaatriði” féllu með aðeins öðru liðinu en það afsakar lítið heildar frammistöðu liðsins. Mjög langt landsleikjahlé framundan núna og svo áhugavert leikjaprógramm fram að jólum sem ætti að gefa Liverpool tækifæri til að sýna okkur eitthvað betra en við höfum séð hingað til. Stjórnandi: Einar Matthías Viðmælendur: Maggi og Sveinn Waage Þökkum að vanda samstarfsaðilum þáttarins fyrir að hjálpa okkur að halda síðunni úti. / / / /episode/index/show/kopis/id/38982690

Gullkastið - Hið Raunverulega Liverpool 11/05/2025

Gullkastið - Hið Raunverulega Liverpool Allt annað að sjá Liverpool í þessari viku og tveir sannfærandi sigrar í deild og Meistaradeild. Risaverkefni á Ethiad bíður á sunnudaginn. Stjórnandi: Einar Matthías Viðmælendur: Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/38928680

Gullkastið – Klárar Slot Tímabilið? 10/27/2025

Gullkastið – Klárar Slot Tímabilið? Klárar Slot tímabilið sem stjóri Liverpool? Spurning sem við bjuggumst ekki við að þurfa að velta upp sl. sumar. Hlutirnir eru fljótir að breytast í fótbolta og Liverpool þarf sannarlega alvöru viðsnúning og það strax. Ömurlegt tap gegn Brentford strikaði alveg út góðan sigur á Frankfurt í miðri viku. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. / / / /episode/index/show/kopis/id/38798090

Gullkastið – Hvert er leikplan Liverpool? 10/20/2025

Gullkastið – Hvert er leikplan Liverpool? Fjórða tapið í röð og núna óboðlegt tap á heimavelli gegn United. Slot er fyrir vikið kominn undir pressu sem enginn stjóri Liverpool hefur verið í áratug núna. Hann þarf að finna gáfulegri lausnir og liðið þarf að finna betra svar í þessari viku gegn Frankfurt og Brentford. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/38658125

Gullkastið – Man Utd á Anfield um helgina 10/15/2025

Gullkastið – Man Utd á Anfield um helgina Liverpool tapaði þremur leikjum í röð fyrir landsleikjahlé, þar af tveimur deildarleikjum sem töpuðust á marki í uppbótartíma. Það má því léttilega færa rök fyrir því að þetta landsleikjahlé er búið að vera þrjá mánuði að líða en er nú blessunarlega að renna sitt skeið. Alvöru verkefni strax á sunnudaginn þegar Amorim mætir á Anfield með Man United. Liverpool er eitt af örfáum liðum sem ekki hefur enn unnið United undir hans stjórn og því þarf að breyta. Spáum í leik helgarinnar, gefum leikmannahópnum einkunn fyrir tímabilið so far, Ögurverk liðið er á sínum tíma og eins spáum víð í þeim tímamótum að FSG er búið að eiga félagið í 15 ár í dag. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. / / / /episode/index/show/kopis/id/38595765

Gullkastið – Hveitibrauðsdagar Slot Á Enda 10/07/2025

Gullkastið – Hveitibrauðsdagar Slot Á Enda Enn ein ósannfærandi spilamennskan hjá Liverpool, þriðji tapleikurinn í röð og annað skipti á rúmlega viku sem Liverpool tapar á flautumarki á útivelli í London. Hveitibrauðsdagarnir eru á enda hjá Arne Slot og stuðningsmenn réttilega farnir að spyrja þyngri spurninga en hingað til. Liverpool fer inn í landsleikjahlé með þrjá tapleiki í röð á bakinu en það sem verra er þá hefur liðið ekki ennþá spilað sannfærandi 90 mínútur í neinum leik það sem af er þessu tímabili. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/38500140

Gullkastið – Tveir Tapleikir! 10/02/2025

Gullkastið – Tveir Tapleikir! Heldur betur þung vika hjá okkar mönnum og tveir ákaflega ósannfærandi og pirrandi tapleikir staðreynd. Annar í London sem tapaðist á flautumarki og hinn í Istanbul þar sem boltinn var í leik 50% af leiktímanum. Chelsea bíður um næstu helgi, enn einn útileikurinn. Stjórnandi: Einar Matthías Viðmælendur: SSteinn Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/38445315

Gullkastið – Borgin er Rauð 09/22/2025

Gullkastið – Borgin er Rauð Liverpool borg er að sjálfsögðu rauð, góður sigur á Everton í kjölfarið á sigri í miðri viku gegn Atletico Madrid. Liverpool er því með fullt hús stiga áfram en á meðan töpuðu bæði Arsenal og Man City stigum, reyndar í sama leiknum. Það var Breiðholtsþema í þættinum að þessu sinni í stjórn Magga sem fékk þá Addó og Garðar Gunnar til sín. Stjórnandi: Maggi Viðmælendur: Garðar Gunnar Ásgeirsson og Arnar Þór Valsson Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/38316215

Gullkastið – 90 mínútur plús uppbótartími! 09/18/2025

Gullkastið – 90 mínútur plús uppbótartími! Fótboltaleikur er 90 mínútur plús uppbótartími, blessunarlega! Liverpool er búið að klára fimm leiki í röð með sigurmarki á lokamínútunum. Þrír af þeim reyndar eftir að hafa hent frá sér 2-0 forystu. Tveir afar ólíkir leikir í þessari viku og alvöru stórleikur framundan um helgina. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/38269160

Gullkastið – Fáum við að sjá Isak? 09/11/2025

Gullkastið – Fáum við að sjá Isak? Landsleikjahlé að renna sitt skeið og Isak mættur til æfinga klár í slaginn með toppliðinu. Tókum stöðutékk á byrjun mótsins, fréttum vikunnar og næstu umferð. Stjórnandi: Einar Matthías Viðmælendur: Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/38188430

Gullkastið - Isak mættur 09/01/2025

Gullkastið - Isak mættur Alexander Isak er mættur til Liverpool og var síðasta viðbótin við hópinn í sumar eftir ótrúlegan leikmannaglugga og nokkuð fáránlegan lokadag. Marc Guéhi var líka búinn með læknisskoðun og kveðjumyndbönd hjá Palace aðeins til að fá svo ekki að fara þökk sé stjóra Palace sem tapaði alveg gleðinni og hótaði að hætta. Liverpool vann svo auðvitað frábæran sigur á flugher Arsenal, það lið ber sannarlega öll merki þess að stóri liðsins var fyrirliði Everton sem leikmaður undir stjórn David Moyes, maður lifandi. Þriðja helgin í röð sem stuðningsmenn Liverpool öskra hressilega á sjónvarpið undir lok leikja og við erum bara í þriðju umferð! Spáðum auðvitað einnig í leikmannaglugganum í heild, drættinum í Meistaradeild Evrópu og því helsta frá þessari viku. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. MP3: /episode/index/show/kopis/id/38050615

Gullkastið - RIO 08/26/2025

Gullkastið - RIO Við þurftum að upplifa einn mest pirrandi leik Liverpool í langan tíma til að fá eitt besta augnablikið í tíð Arne Slot. Ngumoah kom inná eftir að hafa beðið í 5-6 mínútur á hliðarlínunni horfandi á háloftabolta Newcastle manna, kom loksins inná og slúttaði stuttu seinna nánast einu góðu sóknaraðgerð Liverpool í seinni hálfleik. Reyndum að ná utan um hvernig við erum núna búin að fá tvö svona augnablik í vetur og það eru bara tvær umferðir búnar. Leikmannamarkaðurinn er á lokametrunum í þessari viku og úrslitastund hvað varðar Isak og Guéhi sögunar sem hvað helst hafa verið orðaðir við Liverpool. Hin liðin sitja eins heldur betur ekki auðum höndum. Það eru svo ekki minni háloftafimleikar næstu helgi þegar Arsenal mætir á Anfield, frasinn um hornspyrnu á hættulegum stað verður líklega brúkaður af því tilefni. Endilega hjálpið okkur að velja Ögurverk liðið skipað efnilegustu leikmönnum í heimi fædda árið 2003 eða seinna. Næst ætlum við að velta fyrir okkur hver er besti vinstri bakvörður í þessum aldurshópi. Stjórnandi: Einar Matthías Viðmælendur: SSteinn og Óli Haukur Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37971500

Gullkastið – Ballið Byrjað 08/18/2025

Gullkastið – Ballið Byrjað Sigur á Anfield í fyrsta leik tímabilsins en frekar ósannfærandi. Lokakaflinn á leikmannamarkaðnum að hefjast og ljóst að Liverpool má ekki vera búið á markaðnum. Stjórnandi: Einar Matthías Viðmælendur: Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37869725

Gullkastið - Næstu leikmannakaup í vinnslu 08/12/2025

Gullkastið - Næstu leikmannakaup í vinnslu Fréttir um Marc Guéhi til Liverpool og Leoni frá Parma fóru á yfirsnúning á meðan upptöku stóð og í morgun komu fréttir af Isak sem er heldur betur að gera sitt til að fá sín félagsskipti til Liverpool í gegn. Rosalega spennandi dagar og vikur framundan á leikmannamarkaðnum, Liverpool þarf að fylla í nokkrar stöður áður en glugganum lokar það er ljóst. Enska deildin fer af stað á föstudagskvöldið þegar ensku meistarnir fá Bournemouth í heimsókn á Anfield. Er okkar menn klárir í slaginn? Tap á Wembley í Góðgerðarskildinum skilur eftir töluvert af spurningum um liðið en gefur jafnframt tilefni til bjartsýni einnig. Stjórnandi: Einar Matthías Viðmælendur: Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37777705

Gullkastið – Æfingatímabilið á lokametrunum 08/05/2025

Gullkastið – Æfingatímabilið á lokametrunum Alexander Isak er ennþá leikmaður Newcastle aðallega vegna þess að þeim gengur ekki nokkurn skapaðan hlut að kaupa arftaka fyrir hanna eða bara nokkrun skapaðan hlut. Liverpool spilaði tvo leiki saman daginn og vann báða með fullt af spennadi atvikum og æfingaleikirnir fara upp um eitt level um helgina þegar Liverpool mætir Palace í Góðgerðarskildinum. Stjórnandi: Einar Matthías Viðmælendur: Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37694135

Gullkastið – Mikið meira en bara reykur! 07/29/2025

Gullkastið – Mikið meira en bara reykur! Slúður um Alexander Isak til Liverpool er orðið mikið meira en bara reykur, þetta er orðið að björtu báli og jafnvel talað um að hann sé farinn í verkfall hjá Newcastle til að pressa á sölu til Liverpool núna í sumar. Spáum í þeirri viðbót ef af verður og öðru slúrði tendu Liverpool í vikunni. Luis Diaz virðist t.a.m. vera farin til Bayern. Stjórnandi: Einar Matthías Viðmælendur: Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37601110

Gullkastið – Isak til Liverpool? 07/15/2025

Gullkastið – Isak til Liverpool? Silly season er farið aftur af stað með látum eftir afar þunga viku og alvöru bombur tengdar Liverpool, Alexander Isak var sterklega orðaður við Liverpool af blaðamönnum eins og David Ornstein sem gefur til kynna að þar sé einhver reykur. Minna áreiðanlegir miðlar tala um Rodrygo líka frá Real Madríd auk þess sem Liverpool á eftir að selja nokkrar stórar kanónur líka, eða hvað? Það hefur aldrei verið eins rosalegt að fylgjast með leikmannaglugga Liverpool. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37434150

Gullkastið – Harmleikur í Portúgal 07/08/2025

Gullkastið – Harmleikur í Portúgal Fráfall Diogo Jota og André bróður hans er auðvitað ofsalegt áfall fyrir alla tengda Liverpool og knattspyrnuheiminn í heild. Þessi vika átti að vera spennandi þar sem nýir leikmenn mæta til æfinga í fyrsta skipti ásamt öllum hópnum en byrjaði á jarðarför Diogo Jota í Portúgal. Erfitt í raun að ná utan um þennan harmleik. Hvaða áhrif hefur þetta á Liverpool og hvernig bregst félagið við? Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37340560

Gullkastið – Leikmannasölur framundan? 06/26/2025

Gullkastið – Leikmannasölur framundan? Kerkez er kominn til Liverpool og því búið að staðfesta alla sem voru líklegastir til að koma núna strax í júní. Þá eru leikmannasölur líklega næstar á dagskrá og líklegt að þar verði ekki minna að gera hjá okkar mönnum. Skoðum líka stöðuna á leikmannamarkaðnum hjá hinum stórliðunum. Minnum svo á að Verdi Travel er komið með ferðir á Anfield í sölu fyrir næsta tímabil Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37170300

Gullkastið - Wirtz Vikan 06/19/2025

Gullkastið - Wirtz Vikan Frá því að FSG keypti Liverpool hefur leikmannaglugginn aldrei farið eins spennandi af stað og núna. Það er búið að staðfesta kaup á Frimpong frá Leverkusen, eins er svo gott sem búið að staðfesta kaupin á besta vini hans og dýrasta leikmanni í sögu Liverpool, Florian Wirtz. Besta leikmanni þýsku deildarinnar undanfarin tvö tímabil. Ungverjinn Milos Kerkez hefur svo hamast við það sjálfur að staðfesta komu sína til Liverpool þó félagið hafi ekkert staðest með það ennþá. Miðað við slúðrið er þetta bara byrjunin og einnig er orðað helminginn af hópnum í burtu. Það var því af nægu að taka í leikmannaslúðurs Gullkasti. Leikjalistinn fyrir næsta tímabil kom einnig út í gær þannig að næsta tímabil er í augsýn. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/37069740

Gullkastið – Leikmannaglugginn að opna 05/29/2025

Gullkastið – Leikmannaglugginn að opna Tímabilið 2024-25 er búið og bara gat ekki farið mikið betur fyrir Liverpool, létt uppgör á því. Sigurhátíð um helgina og almenn gleði þar til eitt fífl setti stóran svartan skugga á hátíðarhöldin. Leikmannaglugginn opnar eftir helgi og Liverpool virðist heldur betur ætla að vera með og gera stórar breytingar á hópnum fyrir næsta tímabil. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/36774220

Gullkastið – Schadenfreude 05/22/2025

Gullkastið – Schadenfreude Þvílíka snilldar tímabilið sem þetta er að verða, Liverpool eru Englandsmeistarar og lyfta bikarnum á loft um helgina á meðan lið eins og Arsenal, Man City og Man Utd fara öll titlalaus í gegnum mótið. Leikmannaglugginn virðist heldur betur ætla að verða fjörugri í sumar en hann var síðasta sumar og mjög spennandi nöfn orðuð við Liverpool, jafnvel strax í næstu viku. Stjórnandi: Einar Matthías Viðmælendur: SSteinn og Maggi Þökkum að vanda samstarfsaðilum þáttarins fyrir að hjálpa okkur að halda síðunni úti. /episode/index/show/kopis/id/36679400

Gullkastið

TOPICS