Hlaðvarp Röskvu

Í annarri seríu hlaðvarpsins, sem hefur göngu sína 29. júlí 2020, fær Hallgerður Kolbrún E. Jónsdóttir, fyrrverandi ritari og kosningastjóri Röskvu, til sín góða gesti sem fjalla um málefni málefnadaga hvers mánaðar en þættirnir munu koma út mánaðarlega. Málefnadagar eru heiti yfir það að í hverjum mánuði er fjallað sérstaklega um einhver málefni hjá Röskvu, þá eru skrifaðar greinar, fjallað um málið í „story“ á Instagram og jafnvel haldnir viðburðir til að vekja athygli á því tiltekna máli. Í fyrstu seríu hlaðvarpsins fékk Isabel Alejandra Díaz, fyrrum varaforseti Röskvu og varafulltrúi í Stúdentaráði, til sín góða gesti sem fjölluðu um hina ýmsu kima hagsmunabaráttu stúdenta. Röskva er samtök félagshyggjufólks innan Háskóla Íslands sem hefur verið starfandi síðan árið 1988. @roskvaroskva á Facebook, Instagram og Twitter. Mynd: Alda Björk Stef: Sigurhjörtur Pálmason

2.3 Fjármögnun háskólans og háskólaráð 10/28/2020

2.3 Fjármögnun háskólans og háskólaráð Í þessum þætti ræða Isabel Alejandra Díaz, forseti SHÍ, og Jessý Jónsdóttir, nefndarfulltrúi í kennslumálanefnd Stúdentaráðs, sem báðar sitja í háskólaráði fyrir hönd stúdenta málefni háskólaráðs. Farið er um víðan völl, meðal annars rætt um skrásetningargjöld, geðheilbrigðismál, fjármögnun háskólans, rætur þeirra í Röskvu og fleira. /episode/index/show/roskvaroskva/id/16584149

2.2 Aðgengi í háskólanum 09/30/2020

2.2 Aðgengi í háskólanum Í þessum þætti ræða þau Margrét og Mars um aðgengi innan háskólans, bæði líkamlegt- og andlegt aðgengi, hvað hafi gengið vel og hvað megi betur fara. /episode/index/show/roskvaroskva/id/16216961

2.1. Framtíð háskólasvæðisins 07/29/2020

2.1. Framtíð háskólasvæðisins Hallgerður Kolbrún E. Jónsdóttir, þáttastjórnandi annarrar seríu Hlaðvarps Röskvu, fær til sín góða gesti til að ræða framtíð háskólasvæðisins. Þau Sigurborg Ósk Haraldsdóttir, borgarfulltrúi Pírata og formaður skipulags- og samgönguráðs Reykjavíkurborgar, og Ari Guðni Hauksson, Röskvulið, sagnfræðingur og fulltrúi stúdenta í skipulagsnefnd Háskólaráðs verða gestir Hallgerðar að þessu sinni og fara þau vítt og breytt í umræðu sinni um framtíð háskólasvæðisins. /episode/index/show/roskvaroskva/id/15390767

19. Af hverju Röskva? 02/19/2020

19. Af hverju Röskva? Eyrún Baldursdóttir oddviti Röskvu er síðasti gestur fyrstu seríunnar. Í þættinum dregur hún saman vinnu Röskvu í bæði innra og ytra starfinu. Listaferð Röskvu er næstkomandi laugardag, 22. febrúar og hvetjum við öll til þess að mæta og taka þátt í að mynda nýju stefnuna okkar. Linkur að viðburðinum hér: @roskvaroskva á Facebook, Instagram og Twitter. /episode/index/show/roskvaroskva/id/13213922

18. Aktívistar: umhverfis- og loftslagsmál 02/12/2020

18. Aktívistar: umhverfis- og loftslagsmál Júlía Sif Liljudóttir og Aðalbjörg Egilsdóttir ræða stærsta vandamál okkar tíma. Júlía, einn stofnandi Veganistur, ræðir veganisma og tengingu þess lífsstíls við umhverfismál og það sem einstaklingar geta gert til þess að sporna gegn hættunni. Aðalbjörg segir frá þátttöku sinni í COP25, Loftslagsráðstefnu Sameinuðu þjóðanna, og Loftslagsverkföllunum. Rætt er í þaula stöðu Íslands í þessum efnum sem viðmælendum og þáttastjórnanda þykir því miður ekki vera nógu góð. /episode/index/show/roskvaroskva/id/13122059

17. Spurt og svarað 02/04/2020

17. Spurt og svarað Brjótum þetta aðeins upp! Vaka Lind Birkisdóttir fyrrverandi varaforseti og Þórhildur Hlín Oddgeirsdóttir fyrrverandi kynningarstýra Röskvu svara ýmsum spurningum úr spurningaboxi Röskvu á Instagram. Fullkominn þáttur í lærdómspásuna ef þú vilt vita hvað er átt við með „íslenskir kettir“, hvort að ESB sé það sem Íslendingar þurfa, hvað á sér stað í kosningabaráttunni eða ef þú horfir á Netflix og vantar uppástungur að góðum þáttum. /episode/index/show/roskvaroskva/id/13021421

16. Aktívistar: mannréttindi 01/29/2020

16. Aktívistar: mannréttindi Dóróthea Magnúsdóttir oddviti háskólafélags Amnesty og Lenya Rún ritari Röskvu eru viðmælendur þessa vikuna. Af hverju eru stúdentar að taka afstöðu til mála sem nær utan háskólasamfélagsins? Lenya útskýrir hugsunina á bakvið yfirlýsingu Röskvu varðandi stöðu Kúrda í norðausturhluta Sýrlands, sem Dóróthea tekur tvímælalaust undir, enda koma sambærileg mál inn á borði Amnesty sem háskólafélagið tekur virkan þátt í að vekja athygli á. /episode/index/show/roskvaroskva/id/12930212

15. Nostalgía: Katrín Jakobsdóttir 01/22/2020

15. Nostalgía: Katrín Jakobsdóttir Katrín Jakobsdóttir var virk í Röskvu á árunum 1998-2001. Hún útskrifaðist úr Háskóla Íslands árið 1999 með BA-próf í íslensku og frönsku sem aukagrein. Katrín sat í Stúdentaráði og Háskólaráði á árunum 1998-2000 og var ritstjóri Stúdentablaðsins 2000-2001. Katrín talar um ýmislegt skemmtilegt, alveg frá BA ritgerðinni og bókinni Glæpurinn sem ekki fannst sem var byggð á henni, til áranna sem hún var mennta- og menningarmálaráðherra 2009-2013 og LÍN frumvarpið sem hún lagði fram þá. Skemmtilegast var þó að rifja upp starf Röskvu, baráttumálin, mótmælin, kosningabarátturnar og sigrana. /episode/index/show/roskvaroskva/id/12832226

14. Aktívistar: feminísmi og hinsegin mál 01/15/2020

14. Aktívistar: feminísmi og hinsegin mál Valgerður Hirst Baldurs forseti Q-félags hinsegin stúdenta og Margrét Steinunn Benediktsdóttir forseti feminístafélags HÍ, kíktu í heimsókn til þess að segja frá starfsemi félaganna. Rætt er um fræðslustarfsemi, viðburði á döfinni, markmið, árangur ofl. /episode/index/show/roskvaroskva/id/12747329

13. Tanngreiningar 01/08/2020

13. Tanngreiningar Jóna Þórey Pétursdóttir forseti Stúdentaráðs útskýrir tanngreiningarmálið umdeilda. Hún segir frá afstöðu Stúdentaráðs og áskorun þess til Háskólaráðs um að háskólinn slíti samningi sínum við Útlendingastofnun og hætti tanngreiningum. /episode/index/show/roskvaroskva/id/12646349

12. Verkfræði- og náttúruvísindasvið 11/27/2019

12. Verkfræði- og náttúruvísindasvið Ásmundur Jóhannsson og Jessý Jónsdóttir stúdentaráðsliðar á Verkfræði- og náttúruvísindasviði eru gestir vikunnar. Þau ræða ýmislegt eins og brottfall úr námi, skort kvenkyns fyrirmynda á sviðinu, hitabeltið í Öskju, starf nemendafélaga og nefnda SHÍ. Einnig er fjallað um starfsemi umhverfis- og samgöngunefndar og félagslífs- og menningarnefndar. /episode/index/show/roskvaroskva/id/12197741

11. Nýtt lánasjóðsfrumvarp 11/27/2019

11. Nýtt lánasjóðsfrumvarp Gestur vikunnar er Marinó Örn Ólafsson lánasjóðsfulltrúi SHÍ. Hann útskýrir hvernig námslánakerfið virkar og segir vandlega frá nýja lánasjóðsfrumvarpinu sem allir eru að tala um. Um er að ræða eitt stærsta hagsmunamál stúdenta og því mikið fagnaðarefni að það sé loks komið aftur á dagskrá stjórnvalda. Það eru þó nokkur atriði sem vert að skoða og fjallar Marinó um þau og kröfur stúdenta í samræmi við umsögn SHÍ. /episode/index/show/roskvaroskva/id/12197654

10. Heilbrigðisvísindasvið 11/27/2019

10. Heilbrigðisvísindasvið Freydís Þóra Þorsteinsdóttir og Vigdís Ólafsdóttir stúdentaráðsliðar á Heilbrigðisvísindasviði kíktu til Isabel og fóru yfir stefnumál Röskvu á fyrrnefndu sviði. Má þar nefna áframhaldandi pressu á upptökur fyrirlestra, hinseginfræðslu nemenda og kennara, álag í klínísku námi og mætingarskyldu, nýtt hús Heilbrigðisvísindasviðs og rafrænt prófahald. /episode/index/show/roskvaroskva/id/12197540

9. Félagsvísindasvið 11/27/2019

9. Félagsvísindasvið Róbert Ingi Ragnarsson og Viktor Örn Ásgeirsson stúdentaráðsliðar á Félagsvísindasviði eru gestir að þessu sinni. Þeir spjalla við Isabel um stefnumál Röskvu á sviðinu og fjalla m.a um sjúkra- og endurtektarprófin, nýja hnappinn inn á lesstofuna í Gimli, breytingarnar í almennri lögfræði, hugmyndir að bættri lærdómsaðstöðu og fulltrúaráðið. /episode/index/show/roskvaroskva/id/12197456

8. Nostalgía: Atli Bollason 10/30/2019

8. Nostalgía: Atli Bollason Atli Bollason var mjög virkur Röskvuliði alla sína háskólagöngu en hann útskrifaðist frá Háskóla Íslands árið 2007 með BA-gráðu í almennri bókmenntafræði. Atli sat í Stúdentaráði 2005-2006 og Alþjóðanefnd SHÍ, var varaformaður Stúdentaráðs 2006-2007 og ritstjóri Stúdentablaðsins 2007-2008. Atli hefur starfað sem tónlistargagnrýnandi, laga- og textahöfundur, við auglýsingagerð, skipulagningu RIFF og verið greinarhöfundur fyrir m.a. Reykjavík Grapevine, auk annarra verkefna. Hann sest niður með Isabel og segir frá því þegar hann slökkti á ljósum borgarinnar eitt haustkvöld svo að norðurljósin sæust, háskólaárunum í innan raða Röskvu og einblínir á mikilvægi þess að vera róttækur í hagsmunabaráttu stúdenta. /episode/index/show/roskvaroskva/id/11834906

7. Menntavísindasvið 10/23/2019

7. Menntavísindasvið Isabel fær til sín stúdentaráðsliða af Menntavísindasviði, þau Andreu Ósk Sigurbjörnsdóttur og Sigurð Vopna Vatnsdal. Þau segja frá stefnumálum Röskvu á sviðinu, því sem hefur komist í gegn og því sem þau stefna að í Stakkahlíðinni. Má þar m.a. nefna nýtt lesrými, aðstaða námsráðgjafa loks í Stakkahlíð, rafpróf og tillögur lagðar fram í Stúdentaráði. Þess má geta að í ár var það í fyrsta skipti sem Röskva vinnur Menntavísindasvið og er með forsæti í sviðsráði. /episode/index/show/roskvaroskva/id/11747396

6. Hugvísindasvið 10/16/2019

6. Hugvísindasvið Ragnhildur Þrastardóttir og Þórdís Dröfn Andrésdóttir, stúdentaráðsliðar á Hugvísindasviði, kíkja til Isabel og ræða stefnumál Röskvu á fyrrnefndu sviði. Farið er m.a. út í Hús íslenskra fræða, reiknilíkanið fræga, Veröld, þarfagreiningu í Árnagarði, ritstjórn Röskvu og Stúdentablaðið. /episode/index/show/roskvaroskva/id/11655914

5. Útskrifaðir Röskvuliðar 10/02/2019

5. Útskrifaðir Röskvuliðar Gestir Isabel þessa vikuna eru Guðný Ljósbrá Hreinsdóttir samskiptafulltrúi SHÍ fyrir Októberfest og Daníel G. Daníelsson verkefnastjóri hjá Icelandic Startups. Þau segja frá embættunum sem þau gegndu í stjórn Röskvu 2017-2018. Rifja einnig upp setu í nýsköpunar- og frumkvöðlanefnd og félagslífs- og menningarnefnd SHÍ, og tala um Októberfest, Gulleggið, samfélagsmiðla og fleira. /episode/index/show/roskvaroskva/id/11475155

4. Fjölskyldumál 09/25/2019

4. Fjölskyldumál Anna Margrét Arnarsdóttir, fulltrúi Röskvu í Fjölskyldunefnd SHÍ, sest niður með Isabel til þess að ræða málefni fjölskyldna innan háskólans, markmið nefndarinnar og stefnu Röskvu í þeim efnum. /episode/index/show/roskvaroskva/id/11381990

3. Fyrrum forsetar Stúdentaráðs 09/18/2019

3. Fyrrum forsetar Stúdentaráðs Ragna Sigurðardóttir og Elísabet Brynjarsdóttir, forsetar Stúdentaráðs síðustu tveggja ára, mæta í stúdíóið til Isabel og ræða meðal annars Stúdentaráð, forsetaembættið, konur í leiðtogastöðum og árangur Röskvu síðan Röskva tók við skrifstofunni. /episode/index/show/roskvaroskva/id/11293547

2. Röskva í Stúdentaráði 09/11/2019

2. Röskva í Stúdentaráði Isabel fær oddvita Röskvu í heimsókn, hana Eyrúnu Baldursdóttur, til þess að ræða stefnu og langtímamarkmið Röskvu, Stúdentaráð, kosningar, réttindaskrifstofuna og fleira. /episode/index/show/roskvaroskva/id/11194688

1. Hvað er Röskva? 09/04/2019

1. Hvað er Röskva? Isabel fær til sín forseta og varaforseta Röskvu, þær Rebekku Karlsdóttur og Ellen Geirsdóttur Håkansson, sem útskýra innra starf fylkingarinnar og hvetja nýja nema jafnt sem eldri til þess að taka þátt. /episode/index/show/roskvaroskva/id/11111711

Kynningarþáttur 09/01/2019

Kynningarþáttur Isabel Alejandra Díaz, þáttastjórnandi, segir frá tilgangi hlaðvarpsins, hverju megi búast við af því í vetur og spjallar við Guðjón Björn, formann Röskvu 2017-2018, um fyrstu kynni þeirra beggja á Röskvu. /episode/index/show/roskvaroskva/id/11076794

Hlaðvarp Röskvu

TOPICS